Nanang Ko Aya! (Mother Dearest)

(Dung-aw ..a Tribute for Ana Ringor)
by Emily D Rudd,CC

(For Elsa Ringor Collado (with affection)


Apan kayo lattan, Nanang ko
Ket iti imbatiyo nga litrato napintas nga agpayso.

Napalalo iti led-daang toy puso mi
Saan nga agsardeng iti lua nga agtinnag.


Adu nga sarsarita nga mangngeg
Sika it silaw mi ditoy daga nga agkakabsat ken appo yo
Idi napigsakayo pay, awan ti aldaw nga naglabas
Nga malipatan yo ti mangipakita iti panagayat yo kaniami.


Wen ta padapada iti impakpakita yo nga anus
Kadakami nga agkakabsat ken daydi Tatang-
Kakaisuna nga ayat tay puso yo ,aya
Immuna met ngarud nga napan idiay Pagarian ni Apo tayo –
Ngem ammomi nga adda latta iti puso ken nakemyo ti naganna.


Nasayaat la ngarud ta datoy nga ibaballasiw yo
Aggapu ditoy daga ken agtuloy idiay Pagarian dagiti angheles –
Makitayonto dagiti immuna nga immalis ditoy daga –
Da Apong ken dagiti dadduma nga miembro iti pamilya.


Dagiti ar-arapaap toy pusok , nagbalin nga agpayso
Immayadoak nga adda namnama , dayta it biag nga insuro yo
“ Mangsapul kayo annakko iti mangayayat kadakayo,”
“Agtrabajo kayo tapno agbaliw iti biag yo, ken agiskwela kayo tapno
Addanto ipagtangsit yo no maka-adal kayo.” Kunayo.


Nanang ko, agyaman kami iti inted mo nga biag
Sika iti inspirasyon mi nanipud idi ubbing pay kami.
Sapay koma ta ni Apo San Cristobal ket kaduaan na ka -
Nga mangbirok kadagiti inayayat yo idi ubing pay kayo.

 

Saan mi nga malipatan tay sam-it ti isem mo –
Ken dagiti balikas nga kasla balitok nga nagbalin nga simbolo
Iti panunot , sakripisyo ken biag idi dumadakkel kami.


Aggapu toy pusomi kenni Ruben , kakabsat ken ub-ubbing...
Agyaman kami, agkararag kami para Kenka, Nanang Ko!

 

Read 803 times

About Author

Login to post comments

Archive